Brottförin tafðist og vorum við ekki komin til Mundaú fyrr en á hádegi. Stoppuðum aðeins á leiðinni og keyptum ost á einu býli við veginn. Við komum okkur fyrir, kveiktum upp í grillinu og síðan fórum við Marcia út á strönd í smá bað á meðan mamma hennar og Celia ráðskona, sáu um matinn. Þegar við komum til baka var fiskurinn nánast tilbúinn og fljótlega snæddur.

Eftir matinn fórum við síðan í bað í ánni og um kvöldið spiluðum við War.

Helgarferð til Mundaú

Vöknuðum snemma og keyptum fisk hérna niður á strönd, glæsilegan pargo nýkominn úr sjónum, sem fer síðan á grillið síðar í dag. Erum núna að leggja í hann til Mundaú, vonandi að það gangi upp í þetta sinn.

Förum héðan og náum í liðið, mömmu Marciu og krakkana tvo Rafael og Kelly.

Vaknaði ekki fyrr en klukkan 9 í morgun. Við fórum nefnilega á nýjan bar með André og Akemi í gærkvöldi og þá fékk maður sér náttúrulega nokkra bjóra. Ágætis bar, Bar do Papai eða Pabbabar á íslensku.

Ætlunin er að skella sér til Mundaú á morgun og fórum við því í smá innkaupaleiðangur fyrir hádegi, keyptum nammi fyrir krakkana og í matinn fyrir okkur. Náðum okkur síðan í grillaðan kjúkling á leiðinni heim í hádegismat.

Fór síðan að vinna kl. 15, en það var lítið að gera. Bara þetta venjulega tilboð fyrir stórmarkaðinn Päo de Açúcar.

Byrjun

Jaeja, thá er madur kominn í bloggid líka. Ég veit ekki hvort ég muni nenna thessu mikid. Sjáum til.